ხერსონის რეგიონული სამხედრო ადმინისტრაციის ხელმძღვანელის, ალექსანდრ პროკუდინის ინფორმაციით, რუსმა ოკუპანტებმა ხერსონის სოფელი მოლოდიჟნე დაბომბეს. ავიაიერიშის შედეგად დაშავდა სამი ბავშვი და 59 წლის ქალი.
მისივე ცნობით, დაბომბვის შედეგად 8 წლის გოგომ ტვინის შერყევა მიიღო. ის საავადმყოფოშია გადაყვანილი. ასევე ორ ბავშვს, 10 წლის გოგოს და 7 წლის ბიჭს, მწვავე სტრესული რეაქცია დაუდგინდა.
პროკუდინის ინფორმაციით, მათ სიცოცხლეს საფრთხე არ ემუქრება.
