მსვლელობა რესპუბლიკის მოედნიდან აეროპორტამდე | თბილისში, დღეს, რუსეთიდან პირველი რეისი ჩამოფრინდება
გამოქვეყნდა:
19 მაისს, 13:50 საათზე, თბილისის საერთაშორისო აეროპორტში, პირდაპირი ფრენების აღდგენის შემდეგ, ოკუპანტი რუსეთიდან პირველი თვითმფრინავი დაჯდება. რეისს: მოსკოვი-თბილისი რუსული სანქცირებული ავიაკომპანია Azimuth Airways-ი შეასრულებს.
სამოქალაქო აქტივისტები და პოლიტიკოსები ამ რეისს საპროტესტო აქციით დახვდებიან. მოძრაობა "დროას" ორგანიზებით, მოქალაქეები 12:00 საათზე რესპუბლიკის მოედანზე შეიკრიბებიან და თბილისის აეროპორტის მიმართულებით ავტომობილებით მსვლელობას დაიწყებენ.
აქციას შეუერთდებიან სამოქალაქო აქტივისტები, პოლიტიკოსები, სტუდენტები, სხვადასხვა სფეროს წარმომადგენლები და რიგითი მოქალაქეები, რომლებისთვისაც ოკუპანტ სახელმწიფოსთან ფრენების აღდგენა მიუღებელია.
"19-ში, 12:00 საათზე, ვიკრიბებით რესპუბლიკის მოედანზე (ველოსიპედთან) და ერთად კოლონით დავიძრებით აეროპორტისკენ, რათა გავაპროტესტოთ მოსკოვი-თბილისის პირველი რეისი, რომელიც თბილისის აეროპორტში 13:50-ზე დაჯდება", - ნათქვამია "დროას" განცხადებაში.
იხილეთ ასევე:
- დღეიდან ძალაში შევიდა პუტინის განკარგულება საქართველოსთან სავიზო რეჟიმის გაუქმების შესახებ
- მოსკოვი-თბილისის რეისები 19 მაისიდან | სანქცირებული Azimuth Airlines-ის ფრენები საქართველოში
- რუსეთთან ფრენების აღდგენა, როდესაც ყველა სხვა ქვეყანა წყვეტს ამ კავშირებს, საქართველოს შეფასებაზე უარყოფითად იმოქმედებს - იოზვიაკი
