უკრაინის ეროვნული უსაფრთხოებისა და თავდაცვის საბჭოს მდივნის, ოლექსი დანილოვის თქმით, ბახმუტში რუსეთის დანაკარგები უკრაინისას 7.5-ჯერ აღემატება. ამის შესახებ დანილოვმა იტალიურ გამოცემასთან ინტერვიუში განაცხადა.
"პირველი სექტემბრიდან, როცა მოსკოვმა ბახმუტში ახალწვეულების გამოყენება დაიწყო, 22 816 [რუსი] სამხედრო დაიღუპა, ჩვენი დანაკარგები 7.5-ჯერ ნაკლებია. ჩვენ არ გვაქვს ჩვენი ტერიტორიების დათმობის უფლება", - თქვა დანილოვმა.
უკრაინის მონაცემებით, რუსეთმა პირველი სექტემბრიდან დღემდე უკრაინაში 160 000 სამხედრო დაკარგა.
