უკრაინის საგარეო საქმეთა ყოფილი მინისტრი ვოლოდიმირ ოგრიზკო თვლის, რომ რუსეთის ფედერაციას "ნათელი დრო" უახლოვდება, რადგან რუსული სისტემა იწყებს მართვის უნარის დაკარგვას. ამ მდგომაროებას დიპლომატი "პრეინფარქტულს" უწოდებს - ამის შესახებ მან რადიო NV-სთან ინტერვიუში ისაუბრა.
''რუსულ სოციალურ ქსელებში უკვე ვრცელდება "შებეკინოს" ფლეშმობი - ეს რუსეთია, თითქოს ვიღაცას ეპარებოდა ეჭვი. ეს არის ქალაქი ბელგოროდის ოლქში, სადაც დაბომბვა ზედიზედ რამდენიმე დღეა მიმდინარეობს. ასევე, კრემლის მარიონეტმა ჩეჩნეთში, რამზან კადიროვმა შესთავაზა რეგიონში ჩეჩნური ნაწილების გაგზავნა. პრიგოჟინმა მარიონეტს უთხრა, რომ თუ ბელგოროდის რეგიონს ვერ გადაარჩენ, ახლა მე მოვიყვან ჩემს დაქირავებულებს. ამ დროს პუტინი დუმს, კრემლიც დუმს, პესკოვი დუმს, რუსი პოლიტიკოსები დუმან. როგორ უნდა განვმარტოთ ეს დუმილი?!
ვფიქრობ, ეს უნდა განიმარტოს, როგორც ფაქტი, რომ რუსული სისტემა იწყებს მართვის უნარის დაკარგვას. ანუ ეს არის ინფარქტისწინა მდგომარეობა, რომელიც საუკეთესო შემთხვევაში სრულდება ინტენსიური თერაპიით, უარეს შემთხვევაში კი ფატალური შედეგით.
...რას ვგულისხმობ ინტენსიურ მკურნალობაში? რაღაც, რაც ცვლის თამაშის წესებს, მაგრამ აძლევს სხეულს არსებობის გარკვეული გაგრძელების შანსებს. სასიკვდილო შემთხვევა ცხადია - როცა ყველაფერი იშლება და ჯოჯოხეთში მიფრინავს, - ამბობს ის.
