უკრაინის პრემიერმინისტრის, დენის შმიგალის თქმით, ნოვა კახოვკის კაშხლის განადგურებამ შესაძლოა ეკოლოგიური კატასტროფა გამოიწვიოს.
"მსოფლიომ ამას უნდა უპასუხოს დაუყოვნებლივ. არა მხოლოდ სიტყვებით, ქმედებით", - თქვა შმიგალმა.
როგორც შმიგალმა აღნიშნა, დატბორილი ტერიტორიებიდან მოქალაქეების ევაკუაცია მიმდინარეობს. კერძოდ მისი ინფორმაციით, ევაკუაცია გამოცხადდა ქალაქ ხერსონის ოსტრივის მიკრორაიონიდან, ასევე ევაკუაციის მატარებლები მობილიზებულია მიკოლაევში.
უკრაინული მხარის ცნობით, ოკუპანტებმა ჰიდროელექტროსადგური დღეს, 6 ივნისს ააფეთქეს. აფეთქების გამო, წყალდიდობის საფრთხის წინაშე არიან მდინარე დნეპრის მარჯვენა ნაპირზე მდებარე დასახლებები.
უკრაინის პრეზიდენტმა, ვოლოდიმირ ზელენსკიმ კახოვკის ჰესის აფეთქების გამო უშიშროებისა და თავდაცვის საბჭოს საგანგებო სხდომა მოიწვია.
