უკრაინის შინაგან საქმეთა სამინისტროს ცნობით, ხერსონის რეგიონში 742 მცხოვრების ევაკუაცია მოხდა მას შემდეგ რაც სამშაბათს დილით განადგურდა კახოვკის კაშხალი და ჰიდროელექტროსადგური.
სამინისტრომ განაცხადა, რომ უკრაინის ხელისუფლება ეხმარება ხალხს მდინარე დნეპრის დასავლეთ სანაპიროზე, რომელსაც აკონტროლებენ.
"ვწუხვართ ჩვენი ხალხის გამო, რომლებიც დარჩებიან რეგიონის დროებით ოკუპირებულ აღმოსავლეთ სანაპიროზე", - თქვა შინაგან საქმეთა მინისტრმა იგორ კლიმენკომ.
სამინისტროს ცნობით, 80-მდე დასახლება, რომელთა უმეტესობა რუსული ძალების მიერაა ოკუპირებული, პოტენციური წყალდიდობის ზონაშია.
"წყალი მოდის. მდგომარეობას ისიც ართულებს, რომ რამდენიმე გზა ირეცხება. ეს შეუძლებელს ხდის ზოგიერთ დასახლებულ პუნქტამდე მანქანით გადაადგილებას. ევაკუაციის ჯგუფები სხვა გზებს ეძებენ", - ნათქვამია სამინისტროს განცხადებაში ტელეგრამის არხზე.
უკრაინის რკინიგზა ხელისუფლებას ხერსონიდან მოსახლეობის ევაკუაციაში ეხმარება.
