ხერსონის საოლქო-სამხედრო ადმინისტრაციის ხელმძღვანელის ოლექსანდრ პროკუდინის განცხადებით, 13 ივნისის დილის მდგომარეობით ხერსონის რეგიონში წყალდიდობის საშუალო დონე 2 მ 70 სმ-მდე დაეცა.
"წყლის დონის კლების ტენდენცია გრძელდება, 13 ივნისის დილის მდგომარეობით წყალდიდობის საშუალო დონეა 2 მ 70 სმ, რაც 27 სმ-ით ნაკლებია წუხანდელთან შედარებით.
მარჯვენა სანაპიროზე დატბორილია 3 600 სახლი 31 დასახლებაში", - განაცხადა პროკუდინმა.
სამხარეო სახელმწიფო ადმინისტრაციის ხელმძღვანელმა განაცხადა, რომ კახოვკის ჰიდროელექტროსადგურის აფეთქებას 10 ადამიანი ემსხვერპლა, 20 დაშავდა, 42 კი დაკარგულად ითვლება.
დნეპრის მარცხენა სანაპიროზე, რომელიც რუსეთის მიერაა ოკუპირებული 17 დასახლება დაიტბორა.
