კრივოი როგის თავდაცვის საბჭოს თავმჯდომარე ალექსანდრე ვილკული აცხადებს, რომ 13 ივნისს, რუსეთის სარაკეტო იერიშის შედეგად დაღუპულთა რიცხვი 12-მდე გაიზარდა. დღეს ქალაქში გლოვის დღეა გამოცხადებული.
"სამწუხაროდ, უკვე 12 მსხვერპლია - 67 წლის მამაკაცი ღამით სიცოცხლესთან შეუთავსებელი დამწვრობის შედეგად გარდაიცვალა", - დაწერა მან.
ვილკულმა განაცხადა, რომ ნგრევის შედეგების აღმოსაფხვრელად მუშაობა გრძელდება.
ცნობისთვის, 13 ივნისის ღამეს რუსეთმა კრივოი როგზე სარაკეტო შეტევა განახორციელა და 5-სართულიანი კორპუსი დაბომბა.
