"ჩვენ გვჭირდება დოქტრინა ჩვენი სახელმწიფოსთვის... თავისუფლება იძლევა წარმატებას..." - ამის შესახებ უკრაინის პრეზიდენტი ვოლოდიმირ ზელენსკი აცხადებს. მისი თქმით, უკრაინას, მის ხელისუფლებასა და მოქალაქეებს სჭირდებათ საერთო ხედვა, თუ როგორი უნდა იყოს უკრაინის გამარჯვება.
როგორც უკვე ვაჩვენეთ, რომ სიმამაცეს მოაქვს თავისუფლება, იმასაც დავამტკიცებთ, რომ თავისუფლებას მივყავართ წარმატებამდე. ჩვენ ამას ვაქცევთ უკრაინულ აქსიომად: თავისუფლება იძლევა წარმატებას. წარმატება - ეს არის ის, რაც მთელ ჩვენს დედამიწას სჭირდება. მთელ ჩვენს ხალხს. უკრაინის ყველა კუთხეში, უკრაინის ყველა ბავშვს...
მაგრამ ამ წარმატების მისაღწევად უკრაინის სახელმწიფოს ტრანსფორმაცია სჭირდება. და ჩვენ რეალობად ვაქცევთ ტრანსფორმაციას, რაზეც უკრაინელები ოცნებობდნენ!
ვინაიდან კონსტიტუცია არის სახელმწიფოს საფუძველი, ჩვენ გვჭირდება დოქტრინა ჩვენი სახელმწიფოსთვის. ნათელი, მკაფიო, გაბედული დოქტრინა. უკრაინისთვის, რომელიც გამარჯვების გზაზეა. გამარჯვებული უკრაინისთვის. ამ დოქტრინამ უნდა უპასუხოს ყველა ფუნდამენტურ კითხვას უკრაინისა და ჩვენი მომავლის შესახებ - ჩვენთვის, ჩვენი მეზობლებისთვის და ყველასთვის მსოფლიოში.
ჩვენ გვჭირდება ახალი სისტემა, ახალი წესები, ახალი შესაძლებლობები.
დღეს მე შევთავაზე განსახილველად, ქვეყნის მასშტაბით, მომავალი უკრაინული დოქტრინის ძირითადი ორიენტაციები. ჩვენ გვჭირდება საერთო ხედვა იმის შესახებ, როგორი უნდა იყოს უკრაინის გამარჯვება. ერთად განვსაზღვროთ უკრაინის პრიორიტეტები ჩვენი გამარჯვების შემდეგ!, - ამბობს ზელენსკი.
