უკრაინის თავდაცვის მინისტრის მოადგილის, ანა მალიარის თქმით, გასული კვირის განმავლობაში უკრაინამ ქვეყნის აღმოსავლეთითა და სამხრეთი 37 კვადრატული კილომეტრი გაათავისუფლა.
როგორც მალიარმა აღნიშნა, აღმოსავლეთის მიმართულებით მძიმე ბრძოლები მიმდინარეობს - უკრაინა ბახმუტის მიმართულებით წინ მიიწევს, რუსეთი კი თავს ესხმის ლიმანის, ავდიივკასა და მარინკას მიმართულებებს.
"მტერი ცდილობს ჩვენი ჯარების პოზიციებიდან გაყვანას, მაგრამ ღირსეულ პასუხს იღებს", - თქვა მალიარმა.
მალიარმა ასევე აღნიშნა, რომ უკრაინა წარმატებულ კონტრშეტევებს აგრძელებს, მისივე ინფორმაციით, ამ დროისთვის, სამხრეთის მიმართულებით გათავისუფლებული ტერიტორიების მთლიანი ფართობი 158,4 კვადრატული კილომეტრია.
