"რუსეთის აგრესიული ამბიციები ნანგრევებად დარჩება", - ასე მიმართა უკრაინის პრეზიდენტმა ვოლოდიმირ ზელენსკიმ ვილნიუსში გამართულ უკრაინის მხარდაჭერ აქციაზე შეკრებილ ხალხს.
"დღეს, აქ, ვილნიუსში არის ბახმუტის საბრძოლო დროშა. შეგახსენებთ, რომ ევროპისთვის ერთ-ერთი ყველაზე გადამწყვეტი ბრძოლა ბახმუტში გაიმართა. ეს დროშა ნიშნავს, რომ ლიეტუველებს აღარასდროს მოუწევთ რუსებთან ბრძოლა. არც ვილნიუსის სატელევიზიო კოშკთან და არც სხვა ქალაქებში. რუსეთის აგრესიული ამბიციები ნანგრევებად დარჩება.'' - განაცხადა ზელენსკიმ.
შეგახსენებთ, დღეს უკრაინის პრეზიდენტი ვილნიუსში NATO-ს სამიტის ფარგლებში ჩავიდა. ვოლოდიმირ ზელენსკი სიტყვით გამოვიდა იენს სტოლტენბერგის ბრიფინგზე და ასევე უკრაინის მხარდამჭერ აქციაზეც მივიდა. ცნობისთვის, ვილნიუსის სამიტის ფარგლებში, ხვალინდელი დღე, 12 ივლისი უკრაინის დღედ გამოხხადა.
