უკრაინის სამხრეთის სარდლობის ცნობით, ღამით რუსეთმა უკრაინის სამხრეთ რეგიონებს შეუტია. უწყების ცნობით, საჰაერო თავდაცვის ძალებმა გაანადგურეს ოდესაში ზღვიდან გაშვებული 6 "კალიბრის" რაკეტა, ასევე ოდესის ოლქში 21 "შაჰიდის" დრონი და 4 მიკოლაივის ოლქის თავზე.
თავდასხმის შედეგად დაშავდა ერთი ადამიანი.
"ჩამოგდებული რაკეტების ფრაგმენტებმა და ჩამოგდების ტალღამ დააზიანა პორტის ინფრასტრუქტურის ობიექტები და რამდენიმე კერძო სახლი.
ხანდაზმული მამაკაცი საკუთარ სახლში დაშავდა, ის საავადმყოფოში გადაიყვანეს", - ამბობს სამხრეთის სარდლობა.
მიკოლაევში რუსეთის თავდასხმის შედეგად საწარმოო ობიექტი დაზიანდა, გაჩნდა ხანძარი. შემთხვევას მსხვერპლი არ მოჰყოლია.
