პოლიციის განცხადებით, ირლანდიელი მომღერლის, შინეიდ ო'კონორის გარდაცვალების საქმე არ განიხილება, როგორც საეჭვო შემთხვევა.
მომღერალი და აქტივისტი 56 წლის ასაკში გარდაიცვალა, საკუთარ სახლში, ლონდონში. პოლიცია ამბობს, რომ ო'კონორი "შემთხვევის ადგილზე გარდაცვლილად გამოცხადდა" და ეცნობა მის ოჯახს.
"საქმე მომზადდება სასამართლო ექსპერტისთვის", - თქვეს ოფიცრებმა.
ირლანდიის პრემიერმინისტრმა პატივი მიაგო მომღერლის ხსოვნას, რომელიც დუბლინში დაიბადა.
მომღერლის ოჯახის განცხადებაში ნათქვამია: "დიდი მწუხარებით ვაცხადებთ ჩვენი საყვარელი შინეიდის გარდაცვალებას. მისი ოჯახი და მეგობრები განადგურებულნი არიან და ითხოვენ განმარტოებას ამ ძალიან რთულ დროს".
კარიერის განმავლობაში ო'კონორმა ათი სტუდიური ალბომი გამოუშვა, მათ შორის ბოლო 2014 წელს - I'm Not Bossy, I'm the Boss. მომღერალმა მსოფლიო დონის პოპულარობა 1990 წელს, Prince-ის სიმღერის, "Nothing compares 2 U"-ს ქავერით მოიპოვა.
