უკრაინის პრეზიდენტი ვოლოდიმირ ზელენსკი ივანო-ფრანკოვსკს ეწვია და სარეაბილიტაციო ცენტრში სამხედროები მოინახულა.
"მინდა მადლობა გადავუხადო თითოეულ ჩვენს ჯარისკაცს გაწეული გმირობისთვის. მადლობა ყველა უკრაინელს ჩვენი ქვეყნის დაცვისთვის. გამარჯვება აუცილებლად იქნება! სწრაფ გამოჯანმრთელებას გისურვებთ!" - განაცხადა ზელენსკიმ.
გარდა ამისა, უკრაინის ლიდერმა ადგილობრივი და რეგიონული ხელისუფლების კონგრესის სხდომაც გამართა, სადაც ზამთრის სეზონისთვის მზადება და ბიუჯეტის საკითხები განიხილეს.
