გასულ ღამეს ოდესის პორტი და მარცვლეულისთვის განკუთვნილი ინფრასტრუქტურა რუსეთის მთავარი სამიზნე იყო.
როგორც ოდესის სამხედრო ადმინისტრაციის ხელმძღვანელმა ოლეგ კიპერმა განაცხადა, რუსი ოკუპანტები რეგიონს დრონებით 2-ჯერ დაესხნენ თავს.
თავდასხმის შედეგად არავინ დაშავებულა, თუმცა დაზიანდა მარცვლეულის საცავები.
"მთავარი სამიზნე რეგიონის სამხრეთით მდებარე პორტი და მარცვლეულის ინფრასტრუქტურაა. დუნაის ერთ-ერთ პორტზე მტრის დარტყმის შედეგად დაზიანდა საწყობები და მარცვლეულის საცავები. გაჩენილი ხანძარი სასწრაფო დახმარების სახელმწიფო სამსახურმა სწრაფად ჩააქრო," - განაცხადა მან.
