ლატვია, ლიეტუვა და ესტონეთი დიდი შვიდეულის დეკლარაციას შეუერთდნენ "უკრაინის უსაფრთხოების გარანტიების შესახებ", - ამის შესახებ ინფორმაციას ესტონეთის პრემიერმინისტრი კაია კალასი ავრცელებს.
კალასის განცხადებით, ისინი მხარს უკრაინას მხარდაჭერას მის გამარჯვებამდე გააგრძელებენ.
"ესტონეთი, ლიეტუვასთან და ლატვიასთან ერთად, უერთდება უკრაინის მხარდამჭერ G7-ის დეკლარაციას.
ჩვენ გავაგრძელებთ უკრაინის მხარდაჭერას გამარჯვებამდე. ჩვენ მხარს დავუჭერთ უკრაინას NATO-სა და ევროკავშირის გზაზე", - წერს ესტონეთის პრემიერმინისტრი, კაია კალასი ტვიტერზე.
შეგახსენებთ, რომ დიდმა შვიდეულმა უკრაინის უსაფრთხოების გარანტიების შესახებ დეკლარაციას ხელი ვილნიუსის სამიტზე მოაწერეს. G7-ის წევრმა ქვეყნებმა პირობა დადეს, რომ ისინი უკრაინის უსაფრთხოებას გრძელვადიან პერსპექტივაში უზრუნველყოფენ.
