ამერიკის შეერთებულმა შტატებმა დანიასა და ნიდერლანდებს უფლება მისცა უკრაინაში F16-ის ტიპის საბრძოლო თვითმფრინავები გაგზავნონ. ინფორმაციას გამოცემა Reuters ამერიკელ მაღალჩინოსანზე დაყრდნობით ავრცელებს.
გამოცემა აღნიშნავს რომ, დანიამ და ნიდერლანდებმა უკრაინაში F16-ების გაგზავნის უფლება თავად მოითხოვეს, რასაც აშშ ოფიციალური წერილით დაეთანხმა.
"მე გწერთ, რათა გამოვხატო ამერიკის შეერთებული შტატების სრული მხარდაჭერა F16-ების გამანადგურებელი თვითმფრინავების უკრაინისთვის გადაცემისა და უკრაინელი მფრინავების მომზადებისთვის", - ნათქვამია აშშ-ის სახელმწიფო მდივნის, ენტონი ბლინკენის წერილში.
უკრაინელ მფრინავებს საავიაციო კოალიცია წვრთნის, რომელიც 11 ქვეყნისგან შედგება და უკრაინის საჰაერო შესაძლებლობების გაძლიერებისთვის შექმნა. კოალიციას სწორედ დანია და ნიდერლანდები ხელმძღვანელობენ.
