გერმანიამ უკრაინას სამხედრო დახმარების სახით გასული კვირის განმავლობაში Patriot-ის სისტემებისთვის რაკეტები გადასცა. ინფორმაციას უკრაინის მთავრობა გერმანიის მთავრობაზე დაყრდნობით ავრცელებს და წერს, რომ სამხედრო ტექნიკის ჩამონათვალში რაკეტები პირველადაა ნახსენები.
აქვე, ცნობილია, რომ გერმანიამ უკრაინას გადასცა სატვირთო მანქანები, დრონების აღმოჩენის სისტემები, სადაზვერვო თვითმფრინავები და ნახევარ მილიონზე მეტი ტყვია ცეცხლსასროლი იარაღისთვის.
