რუსეთის თავდაცვის სამინისტრო ამბობს, რომ აღკვეთეს უკრაინის შეიარაღებული ძალების მიერ ყირიმზე "ტერაქტის" განხორციელების მცდელობა.
"უკრაინული ფრთოსანი რაკეტა განადგურდა ჰაერში შავი ზღვის თავზე ყირიმის რესპუბლიკის სანაპიროზე მორიგე საჰაერო თავდაცვის საშუალებით",- ამბობს სამინისტრო.
შემთხვევა მოსკოვის დროით 11:30 საათზე მოხდა.
მანამდე რუსეთის თავდაცვამ განაცხადა, რომ ორშაბათს დაახლოებით 10:30 საათზე: "ორი უპილოტო საფრენი აპარატი მორიგე საჰაერო თავდაცვამ გაანადგურა".
