თავდასხმა კიევზე და დუმილი მოსკოვისა და სოხუმის განცხადებების გამო. "ქართული ოცნების" ლიდერები კიდევ ერთხელ აჩვენებენ, ვინ არის მათი პარტნიორი. მმართველ პარტიაში უკმაყოფილო განცხადებების კასკადი მოჰყვა ვოლოდიმერ ზელენსკის ინტერვიუს - უკრაინის პრეზიდენტმა ომში გამარჯვების შემდეგ საქართველოში დემოკრატიული პროცესების დაჩქარება იწინასწარმეტყველა, რაც "ქართული ოცნებისთვის" საფრთხისშემცველი და შეურაცხმყოფელი აღმოჩნდა.
სრულიად საპირისპირო რეაქცია მოჰყვა დიმიტრი მედვედევისა და ასლან ბჟანიას განცხადებებს - საქართველოს ხელისუფლებაში პროტესტის განცდაც კი არავის გაუჩნდა, როდესაც მოსკოვში და სოხუმში ქართველებს, ქართულ კულტურას და საქართველოს სახელმწიფოს დაუფარავი შეურაცხყოფა მიაყენეს.
