Українська правда-ს ცნობით, რუსმა ოკუპანტებმა ყირიმის ხიდი კიდევ ერთხელ გადაკეტეს და ამბობენ, რომ ეს დროებითია.
ამის შესახებ ინფორმაციას რუსული სამთავრობო-პროპაგანდსიტული მედიაც ავრცელებს, თუმცა დეტალებზე არ საუბრობს: ''ყირიმის ხიდზე მანქანების მოძრაობა დროებით შეზღუდულია,'' - წერს "რია ნოვოსტი."
ცნობისთვის, გუშინ რუსეთის თავდაცვის სამინისტრო ამტკიცებდა, რომ უკრაინულმა ძალებმა ყირიმის ხიდზე საზღვაო უპილოტო აპარატებით თავდასხმა სცადეს. თავდასხმის გამო ყირიმის ხიდზე მოძრაობა დროებით შეიზღუდა.
