რუსეთის პრეზიდენტის პრესმდივანი, დიმიტრი პესკოვი ამბობს, რომ სომხეთის ხელისუფლების გეგმები სომხურ-ამერიკული წვრთნების ჩატარების შესახებ შეშფოთების მიზეზია, განსაკუთრებით შექმნილ ვითარებაში.
"სწავლებებზე - რა თქმა უნდა, ასე ვთქვათ, ეს იწვევს შეშფოთებას, განსაკუთრებით დღევანდელ ვითარებაში. ამიტომ ამ სიახლეებს ღრმად გავაანალიზებთ და სიტუაციას დავაკვირდებით", - თქვა პესკოვმა.
შეგახსენებთ, რომ 11-დან 20 სექტემბრამდე სომხეთი და შეერთებული შტატები ერთობლივ სამხედრო წვრთნებს, EAGLE PARTNER 2023-ს ჩაატარებენ. ინფორმაცია სომხეთის თავდაცვის სამინისტროს პრესსპიკერმა გაავრცელა.
