შვედეთი უკრაინისთვის დამატებით 199 მილიონი დოლარის ღირებულების სამხედრო დახმარებას გამოყოფს. დახმარების რიგით მე-14 პაკეტი ძირითადად საარტილერიო ჭურვებს, საბრძოლო მანქანებს, სათადარიგო ნაწილებს, ქვეითთა და საკომუნიკაციო აღჭურვილობასა მოიცავს.
"ეს უნდა განიხილებოდეს, როგორც შვედეთის ერთგულების გამოხატულება უკრაინის გრძელვადიანი მხარდაჭერისადმი," - თქვა შვედეთის თავდაცვის მინისტრმა, პალ ჯონსონმა.
მან ასევე აღნიშნა, რომ უკრაინისთვის საკუთარი გამანადგურებლების გაგზავნასაც ფიქრობენ, თუმცა სახელმწიფო უსაფრთხოების ინტერესებიდან გამომდინარე, ქვეყანა ჯერ NATO-ში გაწევრიანებას ელოდება.
