ისრაელში ომის პარალელურად ჩრდილოატლანტიკური ალიანსი ყურადღებას ინარჩუნებს უკრაინის ფრონტისადმიც. პრეზიდენტი ზელენსკი დღეს ალიანსის შტაბბინაში ჩავიდა და კიდევ ერთხელ მოისმინა უპრეცედენტო მხარდაჭერის გზავნილი - "ალიანსის ყველა წევრი თანხმდება, რომ უკრაინა NATO-ს წევრი გახდება", - ამბობს იენს სტოლტენბერგი.
განცხადებების გარდა NATO და შეერთებული შტატები კონკრეტულ ქმედებებსაც გეგმავენ უკრაინისთვის დახმარების დონის შესანარჩუნებლად. ვაშინგტონი კონკრეტულ პოლიტიკურ გადაწყვეტილებებს იღებს, რომ კიევმა 200 მილიონი დოლარის დაფინანსება უახლოეს დღეებში მიიღოს.
