"ერთობა დაარღვიეს" - "ენმ"-მ გიორგი ვაშაძეს ისანში, შესაძლოა მაჟორიტარობის სხვა კანდიდატი დაუყენოს

"ნაციონალურმა მოძრაობამ" შესაძლოა ისანში მაჟორიტარობის კანდიდატი წარადგინოს. პარტიაში განმარტავენ რომ აღნიშნული საკითხი დღის წესრიგში მას შემდეგ დადგა, რაც გიორგი ვაშაძემ გაერთიანებული ოპოზიციის შეთანხმება დაარღვია. ენმ-ს წევრის, ლევან ბეჟაშვილის თქმით, ისანში ახალი კანდიდატის წარდგენასთან დაკავშირებით კონსულტაციები როგორც პარტიაში ისე სხვა ოპოზიცურ პარტიებთანაც მიმდინარეობს, გადაწყვეტილება კი მომდევნო კვირას გახდება ცნობილი:

გიორგი ვაშაძე ისნის საარჩევნო ოლქში ოპოზიციის ერთიან მაჟორიტარ კანდიდატად იყო წარდგენილი. მას ჰქონდა პოლიტიკური პარტიების მხრიდან მხარდაჭერა, თუმცა გიორგი ვაშაძემ და მისმა გუნდმა ოპოზიციის ერთობა დაარღვიეს იმის გამო, რომ პრემიერ-მინისტრობის კანდიდატად მისი დასახელება სავალდებულო ყოფილიყო. ისნის მაჟორიტარობის კანდიდატთან დაკავშირებით, პარტია შესაბამის ოფიციალურ განცხადებას გააკეთებს და მასში ყველა არგუმენტი იქნება დასახელებული" ამბობს ბეჟაშვილი.

გარდა ამისა, "ებნ"-ში ამბობენ, რომ საბურთალოს ოლქში, თაკო ჩარკვიანის დასახელება მაჟორიტარობის კანდიდატად, „ლეიბორისტული პარტიის“ ფორმატში შეთანხმებული არ ყოფილა

არის კიდევ ერთი საკითხი – ამ ჯგუფის მიერ საბურთალოს ოლქში თაკო ჩარკვიანის წარდგენა. ეს წარდგენა „ლეიბორისტული პარტიის“ ფორმატში არსებულ ოპოზიციურ გაერთიანებასთან შეთანხმებული არ ყოფილა. ეს კი, გაუმართლებლად მიგვაჩნია 2%-იანი პოლიტიკური ძალის მხრიდან" ამბობს ბეჟაშვილი.

 ოპოზიციის მაჟორიტარობის კანდიდატები თბილისში

რაც შეეხება საბურთალოს ოლქს, ოპოზიციის სახელით აქ კენჭს ირაკლი ოქრუაშვილი იყრის, ხოლო დიდუბე-ჩუღურეთის ოლქში ზურაბ ჯაფარიძე