უკრაინული მხარის ცნობით, ღამით რუსებმა ზაპოროჟიზე 6 სარაკეტო შეტევა განახორციელეს, რასაც მსხვერპლი მოჰყვა.
ზაპოროჟიეს რეგიონული ადმინისტრაციის ხელმძღვანელი, იური მალაშკო ამბობს, რომ დგინდება რაკეტების ტიპი, რომელიც რუსებმა გამოიყენეს. მისივე თქმით, ერთ-ერთი რაკეტა ქალაქის ცენტრალურ ნაწილში მრავალსართულიან შენობას მოხვდა.
მალაშკოს თქმით, ერთი ადამიანი დაიღუპა და ორი დაშავდა. გარდა ამისა, დაზიანდა 8 ბინა.
ზაპოროჟიეს საკრებულოს მდივანმა ანატოლი კურტევმა დილის 5 საათის შემდეგ განაცხადა, რომ დაღუპულთა რიცხვი ორამდე გაიზარდა.
"ამჟამად ცნობილია ორი დაღუპული და ოთხი დაშავებული, კიდევ სამი ადამიანი დაკარგულად ითვლება", - თქვა მან.
ადგილზე შესაბამისი სამსახურები მუშაობენ.
