ჩვენთან ერთად მოიპოვეთ თავისუფლება!
"მსვლელობა ახალი ბელარუსისთვის" - მინსკში მრავალათასიანი დემონსტრაცია განახლდა. ხალხი ქალაქის ცენტრალურ მოედანზე შეიკრიბა. მოთხოვნა უცვლელია - ალექსანდრე ლუკაშენკოს გადადგომა და პოლიტპატიმრების გათავისუფლება.
მინსკის გარდა, მსვლელობები ბელარუსის სხვა დიდ ქალაქებშიც არის დაგეგმილი.
ბელარუსში საპროტესტო აქციები 9 აგვისტოს მერე არ შეწყვეტილა. ხალხი ალექსანდრ ლუკაშენკოს დაუსრულებელ მმართველობას აპროტესტებს. ბოლო საპრეზიდენტო არჩევნების შედეგების მიხედვით, ლუკაშენკომ ხმების 80% მიიღო, რაც ხალხს არ სჯერა და ახალ არჩევნებს ითხოვს.
დღევანდელის მსგავსად, მრავალათასიანი დემონსტრაცია ბელარუსის დედაქალაქში 16 აგვისტოს, აქციების დაწყებიდან მერვე დღეს ჩატარდა.
