კიევის საქალაქო სამხედრო ადმინისტრაციის ხელმძღვანელმა, სერგეი პოპკომ განაცხადა, რომ 52 დღიანი პაუზის შემდეგ, რუსეთმა 11 ნოემბერს ისკანდერის ტიპის რაკეტებით შეუტია.
"52-დღიანი ხანგრძლივი პაუზის შემდეგ, მტერმა განაახლა კიევზე სარაკეტო შეტევები! რაკეტამ არ მიაღწია კიევს, საჰაერო თავდაცვის ძალებმა და საშუალებებმა გაანადგურეს იგი დედაქალაქთან მიახლოებისას", - განაცხადა პოპკომ.
კიევის რეგიონალური სახელმწიფო ადმინისტრაციის ინფორმაციით, ორი რაკეტა ჩავარდა მოედანზე.
დედაქალაქის მერმა ვიტალი კლიჩკომ განაცხადა, რომ 11 ნოემბრის დილით, კიევის მახლობლად საჰაერო თავდაცვა მოქმედებდა, ამიტომ ქალაქში აფეთქებები ისმოდა.
