უკრაინის პრეზიდენტი ვოლოდიმირ ზელენსკი კატარის ამირს, შეიხ თამიმ ბინ ჰამად ალ თანის ესაუბრა. ამის შესახებ ზელენსკი X-ზე წერს და განმარტავს, რომ კატარის წარმომადგენელს გაწეული დახმარებისთვის მადლობა გადაუხადა.
"ვესაუბრე კატარის ამირს, შეიხ თამიმ ბინ ჰამად ალ თანის. მადლობა გადავუხადე კატარს მნიშვნელოვანი შუამავლის როლისთვის და მისი პირადი პოზიციისთვის რუსეთის მიერ უკანონოდ დეპორტირებული უკრაინელი ბავშვების დაბრუნებასთან დაკავშირებით. ჩვენ ვისაუბრეთ ამ სფეროში შემდგომი კოორდინაციის შესახებ. მე ვაფასებდი კატარის 20 მილიონი დოლარის წვლილს ჰუმანიტარულ ინიციატივაში „მარცვლეული უკრაინიდან“ და კიდევ ერთხელ დავადასტურე უკრაინის გადაწყვეტილება, დარჩეს გლობალური სასურსათო უსაფრთხოების გარანტი, მიუხედავად რუსეთის მცდელობისა შეარყიოს ნაოსნობის თავისუფლება შავ ზღვაში. ჩვენ დეტალურად ვისაუბრეთ მშვიდობის ფორმულის ამოქმედებისა და გლობალური მშვიდობის სამიტის ორგანიზების შემდგომ მუშაობაზე. კატარის წარმომადგენელი დავოსში მრჩეველთა შესაბამის შეხვედრაზე მოვიწვიე." - წერს ზელენსკი.
