რუსმა ოკუპანტებმა ხარკოვი დაბომბეს - თავდასხმის შედეგად დაიღუპა 1 ქალი, დაზიანდა სკოლა. ამის შესახებ ინფორმაციას უკრაინის საგანგებო სამსახური ავრცელებს.
ასევე, დღეს, რუსეთის ძალებმა ორი მართვადი საჰაერო ბომბი გაუშვეს კუპიანსკის რაიონის სოფელ ვილხუვატკას წინააღმდეგ. ოფიციალური პირების თქმით, ერთ-ერთმა ბომბმა ადგილობრივ სკოლაში ხანძარი გააჩინა, ამჟამად ის ლიკვიდირებულია, თუმცა სკოლა ნაწილობრივ დაიწვა. მეორე ბომბმა კი 48 წლის ქალი იმსხვერპლა. გავრცელებული ინფორმაციით დაზიანდა მაღაზია და 10-მდე სახლი.
