"პუტინმა ნავალნის სიკვდილზე პასუხი უნდა აგოს", - ამის შესახებ დიდი ბრიტანეთის საგარეო საქმეთა მინისტრმა, დევიდ კემერონმა განაცხადა.
კამერონმა მიუნხენის უსაფრთხოების კონფერენციაზე სიტყვით გამოსვლისას ნავალნის "კორუფციის წინააღმდეგ წარმოუდგენლად მამაცი მებრძოლი" უწოდა, რომელმაც "ყველაფერი დათმო" იმისთვის, რისიც სწამდა.
შეგახსენებთ, პუტინის მთავარი მოწინააღმდეგე 47 წლის ასაკში დღეს, ციმბირის ციხეში დაიღუპა. ნავალნის სიკვდილის მიზეზად რუსულმა პროპაგანდისტულმა მედიამ უკვე დაასახელა თრომბი.
ფაქტს დიდი საერთაშორისო გამოხმაურება მოჰყვა. მსოფლიო ლიდერები ოპოზიციონერის გარდაცვალებაზე პასუხისმგებლობას კრემლს და პირადად პუტინს აკისრებენ.
იხილეთ ასევე:
- "ცხადია, ის მოკლა პუტინმა" | ზელენსკი ნავალნიზე;
- "ერთი ადამიანის შიში მხოლოდ ხაზს უსვამს იმ სისუსტეს, რომელზეც პუტინმა თავისი სისტემა ააშენა" | ბლინკენი ნავალნიზე
- პუტინი და მისი მთავრობა პასუხს აგებენ, რაც გაუკეთეს ჩემს ქმარს და ეს დღე ძალიან მალე დადგება | იულია ნავალნაია
