უკრაინის პრეზიდენტი, ვოლოდიმირ ზელენსკი ალბანეთის დედაქალაქ ტირანაში ჩავიდა. მას აეროპორტში ალბანეთის საგარეო საქმეთა მინისტრი დახვდა:
"საკვანძო მომენტი უკრაინასთან ორმხრივი კავშირებისა და სოლიდარობის გასაძლიერებლად რუსეთის აგრესიის წინააღმდეგ მის გმირულ ბრძოლაში", - დაწერა მან სოციალურ ქსელში.
მანამდე ზელენსკი საუდის არაბეთში იმყოფებოდა, სადაც ქვეყნის პირველ პირებთან უკრაინის "მშვიდობის ფორმულა" განიხილა.
