უკრაინისთვის ამერიკის უპრეცენდენტო დახმარების საკითხი ისევ ღიად რჩება. კონგრესი არ ჩქარობს სენატის მიერ დამტკიცებული ფინანსური პაკეტის საბოლოოდ მიღებას, რომელიც რუსეთ-უკრაინის სასტიკ ომში გარდამტეხ როლს შეასრულებს. დროის გაჭიანურების პარალელურად, იზრდება ზეწოლა წარმომადგენელთა პალატაზე, ერთ-ერთი ყველაზე მძიმე შეხვედრა გაიმართა თეთრ სახლში, სადაც ამერიკის პრეზიდენტმა რესპუბლიკელი და დემოკრატი კონგრესმენები დაიბარა. კოლეგა კანონმდებლებს გადაწყვეტილების დაჩქარებისკენ მოუწოდებენ სხვადასხვა ქვეყნის პარლამენტის თავმჯდომარეებიც.
