ჩვენთან ერთად მოიპოვეთ თავისუფლება!
"უკრაინამ მოახერხა, 2024 წლის თებერვალი რუსული საბრძოლო ავიაციის დამღუპველ თვედ ექცია", - ამის შესახებ უკრაინის პრეზიდენტმა ვოლოდიმირ ზელენსკიმ სოციალურ ქსელში დაწერა და აღნიშნა, რომ საკმარისი, დროული და უწყვეტი სამხედრო დახმარებით უკრაინას უფრო მეტის მიღწევა შეუძლია.
"2024 წლის თებერვალში უკრაინელმა მეომრებმა ერთ თვეში გაანადგურეს 13 რუსული სამხედრო თვითმფრინავი: ათი სუ-34, ორი სუ-35 და ერთო A-50 აღარ ჩამოაგდებს ბომბებს უკრაინის ჯარებზე და მშვიდობიან მოქალაქეებზე, ან კოორდინაციას არ გაუწევს მასიურ სარაკეტო დარტყმებს.
მადლობელი ვარ და ვამაყობ ჩვენი მეომრებით, რომლებმაც მიაღწიეს ასეთ გამორჩეულ შედეგებს.
ეს არაჩვეულებრივი მიღწევა არა მხოლოდ ასუსტებს რუსეთის უნარს, მიაყენოს შემდგომი ტანჯვა და გაანადგუროს ჩვენი ქვეყანა და ხალხი, არამედ აჩვენებს, რომ უკრაინას შეუძლია მნიშვნელოვანი გამარჯვების მოპოვება ბრძოლის ველზე. შეზღუდული შესაძლებლობებისა და საჰაერო უპირატესობების არარსებობის მიუხედავად, უკრაინამ მოახერხა, 2024 წლის თებერვალი რუსული საბრძოლო ავიაციის დამღუპველ თვედ ექცია. იფიქრეთ იმაზე, რისი მიღწევა შეეძლო უკრაინას საკმარისი, დროული და უწყვეტი სამხედრო დახმარებით.
მოვუწოდებ პარტნიორებს, რაც შეიძლება მალე დააჩქარონ ყველა გადაწყვეტილება უკრაინის საჰაერო თავდაცვისა და საჰაერო შესაძლებლობების შემდგომი გაძლიერების მიზნით. ჩვენ ერთად უნდა დავამარცხოთ რუსეთი უკრაინის ცაზე წელს. ჩვენ შეგვიძლია ამის გაკეთება აბსოლუტურად, თუ გვექნება საჭირო ინსტრუმენტები. ცაზე კონტროლი გადაარჩენს ათასობით სამოქალაქო პირის სიცოცხლეს და დაეხმარება ჩვენს ჯარს ადგილზე.
ეს არის ზუსტად ის ნაბიჯები, რომლებიც საჭიროა იმ გადაწყვეტილების მისაღებად, რომელიც უფრო ადრე დაასრულებს რუსეთის აგრესიას." - წერს ზელენსკი.
