უკრაინაში 2-წლიანი ომისა და კრემლის აგრესიული პოლიტიკის პირობებში ევროპული გაერთიანების დღის წესრიგში სამხედრო მრეწველობის გაზრდის საკითხი დგება. ევროკავშირის ქვეყნები ომის ეკონომიკის მოდელზე ალაპარაკდნენ. პროექტი, რომელიც ჯერ მხოლოდ განხილვის ეტაპზეა, ისეთი მოდელის შექმნას ითვალისწინებს, რომელიც ევროპულ სახელმწიფოებს თავდასხმის საფრთხის შემთხვევაში მყისიერი სამხედრო დახმარებით უზრუნველყოფს. საუბარია საფრთხის ქვეშ მყოფი ქვეყნების სრულ სამხედრო აღჭურვაზე უმოკლეს ვადებში.
