ნიდერლანდები უკრაინისთვის, საბრძოლო მასალისა და უპილოტო თვითმფრინავების შესაძენად, 350 მილიონ ევროს გამოყოფს. ამის შესახებ ქვეყნის თავდაცვის მინისტრმა კაისა ოლონგრენიმ განაცხადა.
კერძოდ ნიდერლანდები 150 მილიონ ევროზე მეტს საბრძოლო მასალისთვის გამოყოფს, დანარჩენი 200 მილიონი ევროთი კი დაგეგმილია მნიშვნელოვანი რაოდენობის ISR (დაზვერვა-სამეთვალყურეო-სადაზვერვო) დრონების შეძენა და უკრაინაში გადატანა.
"ეს დრონები უკვე გამოიყენება. მათ კარგად დაამტკიცეს შესაძლებლობები ბრძოლის ველზე", - განაცხადა ოლონგრენმა.
შეგახსენებთ, რომ მანამდე ნიდერლანდებმა, ჩეხეთის ინიციატივის ფარგლებში, უკრაინისთვის 250 მილიონი ევრო გამოყო.
