რუსებმა ხარკოვის ოლქის ქალაქი ვოვჩანსკი დაბომბეს, შედეგად დაიღუპა ერთი მშვიდობიანი მოქალაქე. ინფორმაციას ხარკოვის ოლქის ხელმძღვანელი, ოლეგ სინეგუბოვი ავრცელებს.
"დაახლოებით ღამის 1-ელ საათზე ოკუპანტებმა მტრული შეტევები განახორციელეს ჩუგუივის რაიონის ქალაქ ვოვჩანსკზე. დაბომბვის შედეგად 65 წლის კაცი დაიღუპა," - ნათქვამია განცხადებაში.
ამ დროისთვის, სამართალდამცავები ადგილზე მუშაობენ და საოკუპაციო ძალების დანაშაულს აღრიცხავენ.
