მინისტრ წულუკიანის დავალებით კინოცენტრიდან უკანონოდ გათავისუფლებული თანამშრომლები პროტესტს განაგრძობენ და პარალელურად აუდიტის სამსახურს მიმართავენ. კინემატოგრაფისტები მთავარი მაკონტროლებელი ორგანოსგან მოითხოვენ კინოცენტრის საქმიანობის შესწავლას. ხელოვანების არაერთი მცდელობის მიუხედავად, ცენტრში მიმდინარე პროცესები და უწყების მიერ გაწეული ხარჯები გაუმჭვირვალეა და კორუფციის ნიშნებს შეიცავს. მათ შორის ერთ-ერთი მთავარი კითხვა ბერლინალეზე ქართული დელეგაციის ვიზიტს ეხება.
