ვწუხვარ რაც მოხდა, რატომ მოხდა და როგორ, გამოძიება დაადგენს | გომელაური პოლიციელთა მიერ ელისაშვილის ცემაზე

გამოქვეყნდა:

პარლამენტში ინტერპელაციის წესით მისულმა შინაგან საქმეთა მინისტრმა, ვახტანგ გომელაურმა ისაუბრა "მოქალაქეების" ლიდერის, ალეკო ელისაშვილის ცემის ფაქტზე. მან თქვა, რომ წუხს და რომ გამოძიება დაადგენს რეალურად რა მოხდა.

მას არ უხსენებია ელისაშვილსა და საპარლამენტო უმრავლესობის ლიდერს, მამუკა მდინარაძეს შორის მომხდარ დაპირისპირება, შემდეგ კი უმრავლესობის დეპუტატების მიერ ელისაშვილის ცემა.

"ბატონი ალეკოს შემთხვევაზე მინდა ორი სიტყვით ვთქვა, ძალიან ცუდია რომ ეს მოხდა, გამოძიება დაწყებულია. მე არ მინდა შეფასებები გავაკეთო, ან ეს იყო, ასე მოუვიდა, ისე მოუვიდა, იმან გადაამეტა, ამან გადაამეტა თუ ვინ გააკეთა, გამოძიება დაწყებულია, რომ მერე მიკერძოებაში არ ჩამითვალოთ, რომ თქვენ ასე თქვით და ზეწოლას ახდენთ გამოძიებაზე, სასამართლოზე. კადრებში კარგად ჩანდა, ნათლად ჩანდა თუ რა ხდებოდა რეალურად, გადაღებულია თითქმის მთელი პროცესი, ვინ ძალადობდა, ვინ დაიწყო, ვინ არ დაიწყო, კითხვები შეიძლება ბევრი იყოს ოპოზიციიდან, მე ყველაზე არ ვიძახი, რომ ყველა ძალადობდა, ოპოზიციის ლიდერები მათ შორის, იყო ნორმალურად იდგნენ და განცხადებას აკეთებდნენ, ეს ნორმალურია რა თქმა უნდა, ძალიან ბევრი იყო მასე, მაგრამ იყვნენ ადამიანები რომლებიც ძალადობდნენ, მოუწოდებდნენ, თვითონ შედიოდნენ კონფლიქტში პოლიციასთან, შეურაცხყოფას აყენებდნენ. კიდევ ვიძახი, ძალიან ვწუხვარ ბატონი ალეკოს თემას, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას", - ამბობს გომელუარი. 

იხილეთ:

მთავარი 10:00
უყურეთ ბოლო გამოშვებას

იხილეთ ჩვენს ეთერში

დღის მთავარი