იტალიის საგარეო საქმეთა მინისტრმა, ანტონიო ტაიანიმ დაადასტურა, რომ რომი აპირებს უკრაინაში კიდევ ერთი SAMP/T-ს საჰაერო თავდაცვის სისტემის გაგზავნას.
თავდაპირველად ინფორმაცია Reuters-მა და იტალიურმა გაზეთმა Corriere della Sera-მ გაავრცელეს და დაწერეს, რომ დაგეგმილი იყო კიევისთვის სისტემის მიწოდება, რომელიც მას საშუალებას მისცემს 10 საჰაერო სამიზნე ჩამოაგდოს.
ეს ინფორმაცია ტაიანმა ტელეკომპანია RAI-თან ინტერვიუში დაადასტურა და თქვა, რომ ეს თავდაცვის სისტემა თავად უკრაინამ ითხოვა.
როგორც Reuters-ს წერს, 2023 წელს იტალიამ და საფრანგეთმა უკრაინას მიაწოდეს პირველი SAMP/T ინსტალაცია. სააგენტოს ცნობით, უკრაინის შეიარაღებულმა ძალებმა შესაძლოა მეორე ასეთი სისტემა მიიღონ, რომელიც ამჟამად ქუვეითშია, თუმცა მალე იტალიაში უნდა დაბრუნდეს.
