უკრაინის საჰაერო ძალების ცნობით, ღამით რუსეთმა უკრაინას შეუტია რაკეტებითა და უპილოტო საფრენი აპარატებით. უწყება ამბობს, რომ მთლიანობაში, კრემლმა გამოიყენა სხვადასხვა ტიპის 9 რაკეტა და 27 უპილოტო საფრენი აპარატი.
უფრო კონკრეტულად:
- 4 X-101/X-555-ის ტიპის ფრთოსანი რაკეტა, რომლებიც Tu-95 MS-ის ტიპის სტრატეგიული საავიაციო თვითმფრინავიდან გაუშვეს;
- 3 ბალისტიკური რაკეტა "ისკანდერ-მ";
- 2 X-59-ის ტიპის რაკეტა;
- შაჰის-131/136 ტიპის 27 შემტევი უპილოტო საფრენი აპარატი.
გენშტაბის ცნობით, რუსეთი თავს დაესხა კრიტიკულ ინფრასტრუქტურულ ობიექტებს, თავდასხმის ძირითადი მიმართულება იყო უკრაინის აღმოსავლეთი, კერძოდ დნეპროპეტროვსკის ოლქი.
საჰაერო ძალებში აცხადებენ, რომ ჩამოაგდეს 32 საჰაერო სამიზნე:
- - 4 ფრთოსანი რაკეტა X-101/X-555;
- - 1 X-59-ის ტიპის რაკეტა;
- - 27 დრონი.
უკრაინის სახელმწიფო კომპანია "უკრაინერეგოს" ცნობით, 20 ივნისს ღამით, რუსული თავდასხმის შედეგად, უკრაინის ოთხ რეგიონში ენერგეტიკული ინფრასტრუქტურის ობიექტები დაზიანდა.
