"რატომ მალავდნენ 5 დღე?!" - უმრავლესობა უარყოფს, რომ ქვეყანაში ძალადობრივი წინასაარჩევნო გარემოა
გამოქვეყნდა:
ჩვენთან ერთად მოიპოვეთ თავისუფლება!
უმრავლესობის ლიდერები წინასაარჩევნოდ გახშირებულ ძალადობრივ შემთხვევებს არ აღიარებენ და ამბობენ, რომ ქვეყანაშ სიმშვიდეა და ყველა პოლიტიკური პარტიას კამპანიას მშვიდად ატარებს.
დმანისში , კახა ოქრიაშვილის მხარდამჭერებზე მომხდარ თავდასხმაში პოლიტიკურ მოტივს ვერ ხედავს მამუკა მდინარაძე და ამბობს, რომ "საკითხავია, რატომ მალავდნენ ოპონენტები ამ ფაქტს 5 დღე".
"ოცნების" გენერალური მდივანი კახა კალაძე კი ამბობს, რომ ოპოზიციას სურს წარმოაჩინოს "თითქოს ვინმე იჩაგრება", სინამდვილეში კი მისივე თქმით, ყველა პოლიტიკურ სუბიექტს, საშუალება აქვს თანაბარ და მშვიდ გარემოში ჩაატაროს წინასაარჩევნო შეხვედრები და კამპანია.
შეგახსენებთ, რომ დმანისში კახა ოქრიაშვილის საარჩევნო შტაბის წევრებს თავს დაესხნენ და ამის ამსხვალი ვიდეომასალაც არსებობს. დღეს კი "ოცნების" ადგილობრივი მაღალჩინოსანი "მთავარის" გადამღეჯ ჯგუფს დაესხა თავს და ჟურნალისტს დაჭრით დაემუქრა
