გერმანიიდან მესამე "პატრიოტის" საზენიტო სარაკეტო სისტემა უკრაინაში ჩავიდა. ინფორმაცია კიევში გერმანიის ელჩმა გაავრცელა.
"ეს გააძლიერებს ქვეყნის მოსახლეობისა და ინფრასტრუქტურის დაცვას თვითმფრინავებისგან, უპილოტო საფრენი აპარატებისა და რაკეტებისგან", - დაწერა ელჩმა.
პირველი ორი "პატრიოტის" საჰაერო თავდაცვის სისტემა და მათი საბრძოლო მასალა გერმანიამ უკრაინას 2023 წელს გადასცა. მესამე "პატრიოტის" სისტემის, ასევე IRIS-T-ის, "გეპარდების", რაკეტებისა და სხვა საბრძოლო მასალის უკრაინისთვის გადაცემაზე განცხადება კანცლერმა შოლცმა 11 ივნისს გააკეთა.