უკრაინის საჰაერო ძალების ცნობით, გასულ ღამეს რუსეთის მიერ გაშვებული 22 "შაჰიდის" ტიპის დრონიდან 20 ჩამოაგდეს. ასევე, რუსეთმა უკრაინას "ისკანდერ-მ" ბალისტიკური რაკეტით შეუტია.
გავრცელებული ინფორმაციით, დრონები ჩამოაგდეს ხერსონის, სუმის, ჟიტომირისა და ჩერნიგოვის რაიონებში.
უწყების ცნობით, თავდასხმის მოგერიებაში ჩართული იყო ავიაცია, საზენიტო-სარაკეტო ნაწილები, მობილური სახანძრო ჯგუფები და ელექტრონული ომის დანაყოფები.