უკრაინის შეიარაღებული ძალების გენერალურმა შტაბმა დაადასტურა, რომ ღამით თავდაცვის ძალები თავს დაესხნენ ლიპეცკის სამხედრო აეროდრომს, სადაც განლაგებულია სუ-34, სუ-35 და მიგ-31 თვითმფრინავები.
უწყების ცნობით, დაარტყეს საწყობებს სადაც, საჰაერო ბომბები იყო, ასევე, რიგ სხვა ობიექტებს ეროპორტის ტერიტორიაზე.
"გაჩნდა ძლიერი ხანძარი და დაფიქსირდა მრავლობითი აფეთქება" - ამობს უწყება.
აეროდრომზე თვითმფრინავების განადგურების შესახებ ცნობები ჯერ კიდევ ზუსტდება.
"ამავდროულად, დაფიქსირდა, რომ სამივე მტრის რადარმა შეწყვიტა მუშაობა დარტყმის შემდეგ", - იტყობინება გენერალური შტაბი.
SBU-ს წყაროებმა განაცხადეს, რომ დარტყმა განხორციელდა რუსეთის სამხედრო აეროდრომზე Lipetsk-2, სადაც რამდენიმე ათეული გამანადგურებელი თვითმფრინავი, ვერტმფრენი და საწყობი იყო განთავსებული, რომლებშიც ინახებოდა 700-ზე მეტი მართვადი ბომბი.
უკრაინული თვითმფრინავის დარტყმის შემდეგ მოხდა ძლიერი აფეთქება, რამაც გამოიწვია ჯაჭვური აფეთქებები და ფართომასშტაბიანი ხანძარი აეროდრომის დიდ ნაწილზე.
წყაროების მიხედვით, "ლიპეცკ-2 სამხედრო აეროდრომზე განლაგებული თვითმფრინავების უმეტესობას აფრენის დრო არ ჰქონდა".
