უკრაინული დროშა კურსკის ოლქის ქალაქ სუჯაზე და ქართული წარწერები რუსული ოკუპანტებისთვის. რუსეთის ტერიტორიაზე საბრძოლო მოქმედებების გადატანით უკრაინული არმია სულ უფრო მეტ წარმატებას აღწევს. ოფიციალურად დადასტურებულია, რომ ამ დროისთვის 74 დასახლებული პუნქტი მთლიანად უკრაინელებს უკავიათ. და ამ წარმატებაში მნიშვნბელოვანი წვლილი აქვთ ქართველ მებრძოლებს. დღეს რუსი სამხედროებისთვის ქართველებმა ქალაქ სუჯაში გზავნილი დატოვეს. 2008 წლის აგვისტოს ომის მონაწილემ და აზოვის პოლკის დამფუძნებელმა გიორგი ქუფარაშვილმა თავის თანამებრძოლებთან ერთად რუსი ოკუპანტების მიერ გორში დატოვებულ, ცინიკურ წარწერას უპასუხა.
