ბელგოროდის ოლქის გუბერნატორმა ვიაჩესლავ გლადკოვმა განაცხადა, რომ 19 აგვისტოდან დაიწყება უკრაინის საზღვართან მდებარე რამდენიმე დასახლებული პუნქტის მაცხოვრებლების გასახლება და იქ შესვლა აიკრძალება.
მან ჩამოთვალა დასახლებები: ნოვოსტროევკა ვტორაია, სოვხოზნი, დობროპოლიე და კაზაჩოკი გრეივორონსკის ოლქში და სოფელი ნოვოპეტროვკა ვალუისკის ოლქში.
გლადკოვმა ასევე გამოაცხადა კრასნოიარუჟის რაიონის სოფელ კოლოტილოვკას შესასვლელის დაკეტვა, რომლის გვერდით არის ამავე სახელწოდების სასაზღვრო პუნქტი.
უკრაინა 6 აგვისტოდან შეტევას ახორციელებს რუსეთის კურსკისა და ბელგოროდის ოლქებზე, კურსკის ოლქში უკრაინელები უკვე ათეულობით დასახლებას აკონტროლებენ.
