კიევის საქალაქო სამხედრო ადმინისტრაციის ხელმძღვანელი, სერგეი პოპკო აცხადებს, რომ ღამით რუსეთის დაბომბვის დროს საჰაერო თავდაცვის ძალებმა ჩამოაგდეს 10-ზე მეტი ფრთოსანი რაკეტა და 10-მდე ბალისტიკური რაკეტა და თავდასხმის დრონი გაანადგურეს.
"ბალისტიკური რაკეტების წარმოუდგენლად დიდი რაოდენობა ერთდროულად", - წერს პოპკო. მისი ინფორმაციით, ფრთოსანი რაკეტები შესაძლოა ყოფილიყო - KH-101.
"საკრუიზო რაკეტების დედაქალაქთან მიახლოების პარალელურად, მტერმა KN-24/Iskander-M ბალისტიკური რაკეტები ესროლა კიევსა და მის გარეუბნებს. ამ ყველაფერს ემატება ერთი თავდასხმის უპილოტო საფრენი აპარატი", - წერს პოპკო.
მისი თქმით, რაკეტის ნამსხვრევები კიევის ოთხ რაიონში ჩამოვარდა, სადაც მანქანებს ცეცხლი გაუჩნდა და არასაცხოვრებელი ფართები დაზიანდა.
კიევის მერი ვიტალი კლიჩკო განმარტავს, რომ ადგილობრივი დროით 06:25 საათისთვის ექიმებს დახმარებისთვის ორმა ზრდასრულმა მიმართა, რომელთაგან ერთი საავადმყოფოში გადაიყვანეს.
