უკრაინის შეიარაღებულმა ძალებმა, რუსეთის საზღვარზე, კურსკის ოლქში, ახალი მონაკვეთი გაარღვიეს, - ინფორმაციას ამის შესახებ უკრაინის შეიარაღებული ძალების სადესანტო თავდასხმის ჯარების სარდლობა ავრცელებს.
სამხედრო ოპერაცია სადესანტო-მოიერიშე ბრიგადის 95-ე დანაყოფმა განახორციელა.
უკრაინელმა მებრძოლებმა გაავრცელეს ვიდეოც, სადაც სასაზღვრო ზოლში ბრძოლა და ტანკების მიერ რუსული თავდაცვითი პუნქტის დაშლაა ასახული.
