ჩვენთან ერთად მოიპოვეთ თავისუფლება!
უკრაინაში ძალაში შევიდა კანონი, რომელიც რუსეთთან დაკავშირებული რელიგიური ორგანიზაციების საქმიანობის აკრძალვას ითვალისწინებს.
ნორმა "კონსტიტუციური წყობის დაცვის შესახებ რელიგიური ორგანიზაციების საქმიანობის სფეროში" 2024 წლის 20 აგვისტოს მიიღეს. კანონის რამდენიმე დებულება მოგვიანებით ამოქმედდება.
"ეთნოპოლიტიკისა და სინდისის თავისუფლების საკითხთა სახელმწიფო სამსახურს“ ექნება უფლება, რომ მიმართოს სასამართლოს სარჩელით რელიგიური ორგანიზაციის საქმიანობის შეწყვეტის შესახებ. ეს მოხდება იმ შემთხვევაში, თუ აღნიშნულმა სამსახურმა დაადგინა რელიგიური ორგანიზაციის კავშირი აგრესორი ქვეყნის, რუსეთის მართლმადიდებელ ეკლესიასთან.
